અરવલ્લીના મોડાસા તાલુકાની મહિલાઓ કિચન ગાર્ડનની ખેતી દ્વારા બની આત્મનિર્ભર...

આજના યુગમાં મહિલાઓ પણ પુરૂષની સાથે ખંભાથી ખંભા મિલાવીને કામ કરી રહી છે. તમામ ક્ષેત્રમાં હવે મહિલાઓનું યોગદાન નોંધનિય છે. ત્યારે અરવલ્લી જિલ્લાના મોડાસા તાલુકાનું એક એવુ ગામ કે જયાં બહેનો ઘર આંગણે શાકભાજીનું વાવેતર કરીને બે પાંદડે થઈ છે. વાત છે મેઢાસણ ગામની જયાં રામદેવ સખીમંડળની બહેનો પોતાના ઘરની આસપાસની ખુલ્લી જગ્યામાં શાકભાજીનું વાવેતર કરે છે અને તે માત્ર શાકભાજી ઘરવપરાશ માટે ઉપયોગમાં નથી લેતી પરંતુ આસપાસના ફળીયામાં વેચીને તેમાંથી પૈસા પણ કમાય છે.

►કિચન ગાર્ડનથી મેળવ્યો નફો

આ અંગે વાત કરતા સખીમંડળના પ્રમુખ દિનાબેન પંડ્યા કહે છે, સખીમંડળમાં જોડાયા પહેલો બેનો ઘરકામ તથા મજૂરી કરી પોતાનું જીવન ગુજરાન ચલાવતાં હતાં તથા તેઓ કોઇપણ પ્રકારની બચત પણ કરતાં ન હતાં અને આક્સ્મિક ખર્ચા આવે ત્યારે પરીવારને વારંવાર મુશ્કેલીઓનો સામનો કરવો પડતો હતો. આવા સમયે અમારા વિસ્તારના કલસ્ટર કો ઓડીનેટર દ્વારા ગામની બહેનોને કિચન ગાર્ડન વિશે માહિતી અને માર્ગદર્શન આપીને કિચન ગાર્ડનના કામ માટે તેમને તૈયાર કરવામાં આવી, જેમાં મેઢાસણ ગામની ૬ બહેનો દ્વારા રામદેવ સખી મંડળની રચના કરી અને કિચન ગાર્ડનની કામગીરીની આરંભી જેમાં અમને સારી જાતના બિયારણ અને ખાતર ઉપલબ્ધ થતા શાકભાજીની પેદાશમાં પણ વધારો થયો. આજે અમારી બહેનો પોતાના ઘરની આજુ બાજુની ખુલ્લી જગ્યામાં રિંગણ, વાલોર, દુધી, ગલકા, કારેલા, કંકોડા, તુરીયા, ગિલોડા , ટામેટા, લિંબુ, રતાડુ, જેવી શાકભાજીનું વાવેતર કરે છે. જે આસપાસના ફળીયામાંથી લોકો સામેથી આવીને શાકભાજી લઇ જાય છે. જેના પરીણામે આજે રામદેવ સખી મંડળની તમામ બહેનો મહિને રૂ. ૨૦૦૦ જેટલો નફો કમાય છે.

આ પણ વાંચો: મુખ્યમંત્રી મહિલા ઉત્કર્ષ યોજના; મહિલાઓને મળે છે રૂ.1 લાખ સુધીની વિના વ્યાજે લોન...

►મહિલા આત્મનિર્ભર બનતા માન વધ્યું

કિચન ગાર્ડનની કામગીરીથી સખી મંડળની બહેનોને આવકનો સ્ત્રોત મળતાં બહેનોની પરિસ્થિતિમાં આર્થિક અને સામાજીક રીતે માન અને મોભામાં વધારો થવાની સાથે સ્થાનિક કક્ષાએ અને ઘર આંગણે રોજગારી ઉપલ્બધ થતાં મેઢાસણની મહિલાઓ આત્મ નિર્ભર બનતા રાજ્ય સરકારનો આભાર માને છે. મહત્વનું છે કે સરકારે અગાઉ મહિલા ઉત્કર્ષ પોલીસી દ્વારા રાજ્યની 10 લાખ મહિલાઓને એક લાખ સુધીની લોન વિના વ્યાજે આપવા યોજના અમલમાં મુકી છે. જે આધારે મહિલા વધુ સક્ષમ બની છે. 

(Home Page- gujju news channel)

Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News Channel - જીવનશૈલી સમાચાર માહિતી - Business News